Nokia podería presentar os seus móbiles con Windows Phone 8 o mes que vén

A presentación de Windows Phone 8 expuxo toda unha serie de innovacións que facían entender que Microsoft podería ter moito que dicir no sector móbil durante os vindeiros anos, pero que teriamos que agardar varios meses para poder comprobalo en primeira persoa, e mentres agardabamos que o novo sistema operativo móbil chegase ao mercado a final de ano, dende Bloomberg sorprenden adiantando que ante a fría resposta comercial do actuais Nokia Lumia (que pese a ter boas vendas, non conseguiron pórse á altura de iPhone e Android) podería acelerarse a chegada da nova versión de Windows Phone, estimando que os novos móbiles da compañía finlandesa verían a luz no evento Nokia World que terá lugar en setembro, pouco despois da presentación do novo iPhone (agardada para o 12 de setembro).
Dende Nokia non confirmaron o seu calendario de lanzamento de novos produtos, pero resulta evidente que vai ser próximo á chegada de Windows 8 ao mercado, para aproveitar as sinerxías que xurdirán entre as distintas plataformas de Microsoft.