O 60% dos Eee PC incluirán Windows XP preinstalado

Jonney Shih cun dos novos portátiles económicos de Asustek

Aínda que o Asus Eee PC destaque polos seus reducidos tamaño e peso, tamén estaba definido pola incorporación do sistema operativo Xandros (distribución de Linux adaptada ó mesmo) que permite reducir o prezo pero que non parece gozar de moi boa aceptación pública, pois dende Asustek xa preparan o lanzamento de equipos con Windows XP preinstalado, estimando que o sistema operativo de Microsoft estará presente no 60% dos equipos vendidos, segundo declaracións de Jonney Shih, director do fabricante taiwanés.
Asustek xa colocou no mercado 300.000 Eee PC durante 2007 e agarda chegar ós 5 millóns de unidades en 2008, o que indica claramente a importancia que está a tomar este tipo de equipos portátiles de baixo custo.