O AVG Anti-Virus Professional 7.5 poderase descargar de balde ata o 17 de xaneiro

Unha das aplicacións anti-virus máis populares é sen dúbida a solución AVG Anti-Virus de Grisoft, que conta cunha versión persoal de balde e que ata o 17 de xaneiro permite facer o mesmo coa edición profesional (valorada en 29,95 dólares) desta ferramenta que permite protexer ó noso equipo informático das ameazas víricas que pululan pola Rede.
O AVG Anti-Virus 7.5 Professional ten as mesmas prestacións que a versión de balde, agás polo feito de non limitar o número de actualizacións da base de datos de virus nin o número de exploracións diarias do noso sistema.
Esta promoción parece que está a ter moito éxito, polo que resulta case imposible descargar a aplicación dende a web oficial, polo que varios usuarios dispuxeron de descargas alternativas en servizos coma RapidShare e MegaUpload.