O AnyDVD HD xa copia películas en discos Blu-ray

O anuncio de que SlySoft lograba superar a protección dos discos Blu-ray como xa pasara cos HD DVD xa ten as súas primeiras consecuencias prácticas, pois a última versión do AnyDVD HD xa permite copiar películas en formato Blu-ray.
O AnyDVD 6.1.9.6 beta permite copiar así os discos que empreguen a protección BD+ e mesmo aseguran que os discos copiados funcionan correctamente tanto en ordenadores coma en consolas PS3 (eliminando incluso a necesidade de empregar equipos compatibles coa tecnoloxía HDCP). As anteriores versións de AnyDVD xa copiaban discos HD DVD protexidos, polo que agora a aplicación permitiría a copia de practicamente calquera película de alta definición comercializada en disco óptico, aínda que os soporte virxes aínda teñen un prezo elevado que podería non compensar tal operación.