O GTA IV inspira unha edición promocional da Xbox 360 Elite

Co gallo do lanzamento do xogo Grand Theft Auto IV Microsoft amosou unha edición limitada e numerada de consolas Xbox 360 Elite coa aparencia do novo xogo de Rockstar.
Só se produciron 500 copias desta consola que na súa cuberta loce unha composición gráfica do xogo e se complementa cun maletín metálico no que se inclúen os periféricos da consola.

O orixinal maletín cos accesorios da consola

O xogo sairá á venda o vindeiro 29 de abril, pero a edición especial da consola será máis difícil de atopar, pois non se vende en tendas, pois se trata dunha versión promocional que deixa así claro que o GTA IV non é un título exclusivo para as consolas de Sony, o que agradecerán moitos xogadores que poderán aproveitar o bo prezo que actualmente ten a Xbox 360 para xogar á nova entrega da violenta saga de Rockstar.