O II DataBeers GLZ celebrarase en Compostela con acento feminino

O vindeiro xoves ás 19:30 horas celebrarase en A Nave de Vidán (Santiago de Compostela) a segunda edición de DataBeers GLZ, evento que naceu a primeiros de ano na Coruña e que busca contribuír á alfabetización en material de datos, ámbito que está a mudar a nosa economía e a sociedade, polo que resulta de grande interese ter unha maior comprensión do mesmo, sendo moi asumible a materia a través destes eventos informais con charlas en formato PechaKucha (intervencións que consistirán na sucesión de 20 imaxes durante 20 segundos cada unha) e cunha presentación sinxela (de xeito que non poderán amosarse fórmulas matemáticas complexas ou código de programación). Amais, a xornada estará acompañada pola cervexa que leva o encontro no seu nome, deixando claro que estamos ante un encontro que busca o networking.
Desta volta intervirán no DataBeers GLZ a infografías de La Voz de Galicia Alexia López co seu relatorio Infografía ou como comunicar datos de xeito visual; María Pata, responsable de Asesoramento e I+D de Biostatech falará de STAT WARS: o espertar dos datos; Esther López, responsable de Comunicación e Información do Instituto Galego de Estatística, realizará unha presentación co título E ti, es rural?; a co fundador de Situm Indoor Positioning, Cristina Gamallo, falará de Geodata: dime por onde andas... e direiche como es; e finalmente a responsable do Rexistro de Mortalidade do servizo de epidemioloxía do Servizo Galego de Saúde, Sara Cerdeira, falará de como Decote conto mortos.
Esta actividade conta co patrocinio de Ipglobal e para acudir ao mesmo é preciso inscribirse de balde a través de Eventbrite.