O ITG acolle unha xornada sobre a realidade estendida aplicada á industria

O Instituto Tecnolóxico de Galicia (ITG) e Xoia Extended Reality celebran este xoves, 9 de novembro, de 15:30 a 19:00, a I Xornada Industria Estendida, na que as entidades ofrecerán formación especializada nas tecnoloxías de realidade aumentada e realidade virtual aplicadas ao sector industrial.
Este evento divulgativo, de carácter gratuíto e enmarcado no programa de actividades da Oficina Acelera Peme do ITG, contará coa participación de expertos de empresas como NTT Data, Detegasa, Texas Controls, Possible Incorporated, ademais de ITG e Xoia, que falarán da súa experiencia neste ámbito e como aplicación da tecnoloxía inmersiva está a transformar o sector industrial.
Nun formato de mesas redondas, presentarase a tecnoloxía de realidade estendida en base a casos de éxito prácticos, profundando no que achega á hora de optimizar procesos e como é o proceso de implantación e xestión do cambio, así como a súa integración con outras tecnoloxías. E ao finalizar a xornada, os asistentes terán a oportunidade de probar casos de éxito reais e experimentar con dispositivos de realidade aumentada e virtual.