O Internet Explorer 7 será unha actualización crítica de Windows

Para protexer ós usuarios de Windows ante certas ameazas que pululan pola Rede, Microsoft decidiu que calquera puidera descargar o Internet Explorer 7 sen precisar de contar cunha copia legal de Windows, o que era unha clara medida para manter máis segura a Internet, pois multitude de aplicacións malignas aproveitaban fallos de seguridade do vello navegador para infectar os equipos de moitos usuarios.
Como o Internet Explorer 6 aínda conta cunha forte presenza no mercado, decidiron que a partires do vindeiro 12 de febreiro, a actualización que incorpora o IE 7 ó sistema operativo será considerada coma de seguridade crítica, ou sexa, que será automática para os sistemas que empreguen o Windows Update, o que será unha grande noticia para os usuarios e para os desenvolvedores de páxinas web, que poden ver coma os seus deseños se ven máis respectados por un navegador que mellora considerablemente en soporte de estándares e en prestacións (coma o acceso a fluxos RSS, unha solución anti-phishing, etc.).