O Mobile World Congress de Barcelona muda de data por mor da pandemia

mércores, 23 de setembro do 2020 Marcus Fernández

O evento tecnolóxico que quedou máis marcado pola pandemia foi, sen dúbida, o Mobile World Congress de Barcelona, por ser a primeira grande cancelación global, e aínda que a GSMA insiste en celebrar o evento en 2021, en boa medida para compensar polos prexuízos da súa cancelación en 2020, entenden que a súa celebración a primeiros de marzo sería un risco excesivo, polo que decidiron reprogramar a súa data para fixala entre os días 28 de xuño e 1 de xullo.
A organización do evento segue comprometida coa súa celebración en Barcelona en 2021, para o que tomarán numerosas medidas de seguridade e incorporarán elementos virtuais que complementen ao encontro físico e permitan a participación de profesionais e compañías que teñan dificultades para desprazarse até Barcelona no contexto sanitario actual.

PUBLICIDADE