O Wall Street Journal adianta detalles do futuro tablet de Apple

O vindeiro mércores é a data na que Apple ten programa unha presentación oficial na que agárdase a presentación dun tablet da compañía de Steve Jobs, que podería responder ao nome de iPad (aínda que nos últimos meses baralláronse nomes coma iTablet ou iSlate) e que practicamente estaría confirmado polas páxinas do Wall Street Journal, onde aseguran que o dispositivo podería ter aplicacións educativas (serviría para a lectura de libros de texto que contasen tamén con elementos multimedia); serviría para a lectura de e-books, así como de revistas e xornais (Apple están en negociacións coas editoras Conde Nast, Harper Collins, The New York Times e incluso a CBS e a Disney); Electronic Arts podería estar a preparar xogos para este novo dispositivo, que tamén permitiría a subscrición a series de televisión; provocaría un importante cambio en iTunes (que separaría a tenda de descargas da ferramenta de reprodución multimedia); contaría cunha pantalla tátil de entre 10 e 11 polgadas, teclado virtual e cámara frontal que recoñecería ao usuario; e, finalmente, tería un prezo duns 1.000 dólares, agardando que usuarios do iPhone e de ordenadores portátiles poidan ser tamén usuarios potenciais deste trebello que daría pé a unha nova categoría de produtos.