O iPad é o agasallo máis desexado para o Nadal nos EE.UU.

O iPad é o agasallo máis desexado polos rapaces de entre 6 e 12 anos

Coa chegada do Nadal chega a hora de elixir agasallos, e nos últimos anos as tendencias foron mudando converténdose a cada paso máis tecnolóxicas, e para analizar dun xeito obxectivo esta tendencia, Nielsen realizou nos EE.UU. un estudo sobre os intereses de compra por rangos de idade que resulta moi ilustrativos, confirmando que Apple fabrica os obxectos máis desexados, co iPad en cabeza, o que resulta bastante rechamante polo feito de que se trata dun tipo de dispositivo que leva poucos anos no mercado.
Ao analizar as preferencias de rapaces de entre 6 e 12 anos temos que o 48% quere un iPad, o 39% unha Wii U, o 36% un iPod touch, o 36% un iPad mini, o 36% un iPhone e o 31% un ordenador, chegando no resto de preferencias a Nintendo 3DS, a Xbox 360 e a PlayStation 3, entre outros trebellos, o que dá a entender que os nenos ven os dispositivos de Apple como pontes para o lecer electrónico máis atractivos que os dispositivos de xogos tradicionais, e só a nova consola doméstica de Nintendo salvaríase grazas a ser a grande novidade desta campaña de Nadal.
Cando miramos a persoas de máis de 13 anos os datos cambian drasticamente, aínda que o iPad continúa a reinar (21%), seguido do ordenador (19%), pero os maiores non se deixa cegar tanto pola marca Apple, e nun terceiro posto sitúan a tablets doutras marcas (18%). Tamén desexan adquirir un iPhone (14%), un televisor conectado (13%) e mesmo un eReader (13%).
En vista destas tendencias parece que os videoxogos e a electrónica de consumo van ser os principais agasallos de Nadal este ano, mantendo a tendencia dos últimos anos, e que en boa medida trasládase ao resto de mercados mundiais.