O vindeiro encontro tecnolóxico de Quincemil achegarase á ciberseguridade

O vindeiro 4 de decembro o espazo gastronómico O’Culto no número 26 da rúa Panaderas da Coruña acolle unha nova edición dos Encontros tecnolóxicos Quincemil NTT DATA, onde se exploran as últimas tendencias e innovacións no mundo da tecnoloxía da man de profesionais e expertos do sector.
Nesta ocasión, o director de ciberseguridade de NTT DATA, José Manuel Moreno, entrevistará ao experto en ciberseguridade e hacking ético Antonio Fernandez, recoñecido polas súas colaboracións coa Comisión Europea e gañador do Premio Pericia Tecnolóxica ao Comunicador do Ano en Ciberseguridade 2022.
Os interesados en acudir a este encontro poden reservar entrada de balde a través de Eventbrite.