Os centros educativos da Coruña recibirán formación en consumo responsábel das tecnoloxías

A Coruña impulsou nesta recta final do verán un obradoiro sobre uso racional e seguro das novas ferramentas, ao abeiro do seu Programa de Educación para o Consumo. A iniciativa formativa e divulgativa Consumo Responsábel das Tecnoloxías, edición 2023-2024 levarase a cabo durante este curso nos centros educativos da Coruña, dirixido ao seu alumnado (estudantes de EI, EP, ESO, BACH, FP e EE de todos os centros educativos da Coruña). Consta dos seguintes bloques: redes sociais, comercio electrónico, seguridade na Internet e dispositivos móbiles.
O obradoiro vén da man do equipo docente especializado da Oficina Municipal de Información ás persoas consumidoras (OMIC) e forma parte dos obradoiros prácticos de A Coruña Educa. Terá, seguindo a metodoloxías das restantes actividades da OMIC, formato de “actividade dinámica, estimulante e formativa”, segundo informou a oficina, engadindo que co obxectivo de implicar a toda a comunidade educativa no subministro de contidos, haberá charlas para o equipo docente e familias.
Cada obradoiro ten unha duración aproximada de 60 minutos e desenvolverase en horario lectivo en cada un dos centros. Desenvolveranse entre o 11 de setembro e o 21 de xuño do ano vindeiro.