Os tablets con Android achéganse en cota de mercado ao iPad

Datos publicados por IDC indican que durante o último trimestre de 2011 o número de tablets distribuído a nivel mundial medrou un 56,1% chegando a 28,2 millóns de unidades, o que suporía un incremento interanual do 155% e sumando un total de 68,7 millóns de unidades durante todo o ano, evolución que leva á compañía de análises de mercado a modificar as súas predicións para 2012 de 87,7 millóns de unidades a 106,1 millóns.
Esta información tamén amosa que Apple vai perdendo terreo no sector, pechando 2011 cun 54,7% de cota de mercado, en boa medida polas fortes vendas do Kindle Fire de Amazon, aínda que non prevén que os tablets con Android poidan superar ao iPad ata 2015.