Padronvirtual estrea un foro en Internet
luns, 2 de maio do 2011
O portal comercial Padronvirtual.com,
creado a finais do pasado ano para reunir nunha mesma web a tódalas empresas da
comarca do Sar, vén de estrear na Rede un foro aberto á comunidade internauta
para que deixen nel as mensaxes e comentarios que desexen facer públicos.
Seguindo
a liña da páxina, este foro pretende servir como punto de encontro virtual no
que levar a cabo operacións de compra-venda e intercambio de produtos; así como
para deixar anuncios, novas e artigos de
opinión de interese para os usuarios da web.
En
xeral, en palabras dos seus creadores, esta sección “permitiralle aos clientes da Comarca do Sar e arredores participar
activamente nos recursos que ofrece a web”.
O
máis salientable desta ferramenta é que permite personalizar os perfís de
maneira doada, e tamén engadir datos de interese que faciliten a
interactividade con outros membros do foro.
Asemade,
resulta de especial utilidade en caso de querer alugar ou vender un inmoble,
ofrecer servizos na zona, poñer á venda artigos, publicar demandas de emprego
ou buscar traballo, entre outras cousas.
O
portal, que xa repartiu entre os seus usuarios diverso material tecnolóxico,
vén de anunciar o sorteo dun netbook a finais deste mes de maio, no que poderán
participar aquelas persoas que visiten a web e enchan un pequeno formulario que
se achega.