Parallels mellora a integración de Windows XP en Mac OS X permitindo incluso o uso de xogos en 3D
venres, 1 de xuño do 2007
Os novos ordenadores de
Apple con procesadores Intel permiten empregar indistintamente Mac OS X e Windows
XP mediante arranque dual, pero tamén se poden empregar simultaneamente os dous
sistemas operativos valéndose de ferramentas de virtualización coma Parallels,
que mellorou o seu sistema coa versión 3.0, que incorpora soporte de OpenGL e
DirectX, ou sexa, que é
capaz de executar xogos en 3D, de xeito que se racha coa tradicional
barreira entre o Mac OS X e os xogos.
Ademais, Parallels
Desktop 3.0 ten unha nova funcionalidade chamada SmartSelect, e que permite
abrir calquera ficheiro tanto co OS X coma coa súa aplicación correspondente de
Windows XP directamente no sistema operativo do Mac, ou sexa, que non hai que
iniciar Windows XP antes desta operación, o que supón un
avance importante na integración dos dous sistemas operativos.
Esta nova versión do Parallels Desktop está aÃnda na súa fase final de produción,
agardándose o seu lanzamento final para as vindeiras semanas.
