Porto acollerá un festival internacional de vídeo universitario

Entre os días 1 e 5 de outubro a Facultade de Ciencias da Comunicación da Universidade do Porto acolle o Festival Internacional de Vídeo Universitario U.Frame, que vén de abrir as súas preinscricións.
U.Frame é o primeiro festival deste xénero realizado pola Universidade do Porto e contará coa colaboración da Facultade de Ciencias da Comunicación da Universidade de A Coruña para tender unha ponte entre o audivisual e a multimedia de Galicia e Portugal.
O certame terá unha competición oficial nas categorías de documental, ficción, animación e experimental, aínda que tamén contará cunha competición especial para obras producidas en Second Life e outras en liña tanto para filmes elaborados a partir de móbiles (con ou sen edición) como para curtas de 60 segundos.