PuntoGal participará na 63ª xuntanza de ICANN
venres, 19 de outubro do 2018
A Asociación PuntoGal acudirá ao vindeiro encontro de ICANN,
evento que terá lugar entre os dÃas 20 e 25 do presente mes en Barcelona e que se
celebra en España por primeira vez. Entre as accións programadas pola
asociación figura a reunión anual que os dominios .eus, .cat e .gal manteñen
cos rexistradores cos que traballan habitualmente, onde se presentarán as
accións a desenvolver no vindeiro ano. Esta xuntanza celebrarase o venres, dÃa
26, como peche das actividades en Barcelona. O ano pasado esta sesión foi
organizada por PuntoGal en Santiago de Compostela.
Igualmente, os
representantes do dominio participarán durante a semana na reunión do Grupo dos
GeoTLDs, do que o dominio .gal forma parte. O grupo é unha organización
internacional sen ánimo de grupo que representa os intereses dos dominios de
primeiro nivel xeográficos que identifican a unha cidade, rexión, lingua ou
cultura.
A ICANN, o organismo que regula Internet a nivel mundial,
escolleu o Centro de Convencións Internacional de Barcelona (CCIB) para a súa
reunión central do ano, na que se abordarán diversos temas que afectan á
gobernanza da rede. PuntoGal contará cun expositor compartido con outros
dominios onde se informará sobre o dominio que representa á comunidade galega
na rede, o .gal, ademais de tomar parte en distintas reunións con empresas e
entidades do sector. Para a ocasión, o dominio realizou distinto material promocional,
que lle será entregado aos asistentes ao congreso.
ICANN celebra reunións internacionais tres veces cada
ano en distintos lugares do mundo cunha duración de cinco dÃas e varias sesións
previas preparativas. A xuntanza, que é de acceso libre unha vez feito o
rexistro, inclúe grupos de traballo, foros abertos e reunións de traballo
arredor do desenvolvemento da Internet. O encontro, auspiciado polo Ministerio
de EconomÃa e Red.es, pode seguirse remotamente vÃa streaming.