R fai repaso do seu servizo de vídeo baixo demanda

No que vai de ano R está a revolucionar o seu servizo de televisión coa incorporación de vídeo baixo demanda, tanto para poder acceder aos contidos da última semana de 15 canles de televisión (rebobina) como para acceder a contidos de pagamento que poden consumirse á carta (catálogo), contribuíndo a adoptar novos hábitos de consumo televisivo, pois evita aos usuarios a estar pendentes dos horarios de emisión dos seus programas favoritos.
Agora dende R fan un repaso do que está a supor este servizo que nos 5 primeiros meses de vida superou os 6 millóns de visualizacións de eventos, dos que o 68% corresponden ao rebobina, o 28% ao catálogo e o 4% restante a contidos de subscrición. Precisamente neste último apartado é onde R pode marcar certa diferenza, permitindo esta canle para que o audiovisual galego poida levar os seus contidos aos fogares dun xeito cómodo, polo que curtas, documentais e outros contidos de produtoras independentes non teñan que limitar a súa exhibición a certames presenciais.
No tocante aos contidos de pagamento, os filmes máis vistos do catálogo de R foron Los Vengadores, John Carter e Indomable, acadando tamén uns bos resultados a proposta de Paco León, Carmina o revienta.
Dende R aproveitan a ocasión para anunciar que, ante a boa acollida de rebobina, están a traballar na ampliación do servizo de gravación para que sexa máis personalizable permitindo tamén que sexa posible dedicar máis espazo ás propias gravacións.