ReadAir leva Google Reader da web ao escritorio

Adobe AIR permite levar aplicacións da web ao escritorio, de xeito que podemos empregar servizos da Internet en forma de aplicacións informáticas, incorporándose a esta tendencia o lector de fluxos RSS de Google a través de ReadAir.
ReadAir presenta unha aparencia baseada en Mac OS X, polo que resulta especialmente axeitado para o seu uso en Macs, pero tamén funciona en baixo Windows e Linux, permitindo acceder ás funcións básicas de Google Reader.
En vindeiras revisións desta aplicación procurarán que se poida axustar a súa aparencia a Windows XP e Vista, incorporar atallos de teclado e permitir a lectura de novas fóra de liña.