Seiko Epson presenta un terminal de papel electrónico de só 3 mm. de grosor

A Corporación Seiko Epson presentou un prototipo un novo lector baseado en papel electrónico nun evento do centro de convencións de Pacifico Yokohama que destaca por presentar unha pantalla de 180 x 120 mm (tamaño B6) moi lixeira (57 gramos) pero que destaca especialmente polo seu grosor de só 3 mm.
O dispositivo conta cun porto USB para o intercambio de datos (ou sexa, a carga de contidos) e a súa pantalla de 6,7 polgadas conta cunha resolución de 1.200 x 1.600, o que equivale a uns 300 puntos por polgada, de xeito que é unha das solucións deste tipo máis próximas a unha experiencia de lectura real. A pantalla tamén ten unha relación de contraste de 8:1 e unha reflectividade do 43%.
O terminal de papel electrónico aliméntase cunha pila de botón (CR1220) que lle dá unha capacidade de refresco de 1.420 páxinas (levándose só 0,7 segundos a actualización dos seus contidos).
Con eses avances, os lectores portátiles de libros electrónicos se achegan cada vez máis a dispositivos que poidan competir realmente cos libros tradicionais.