Sony anuncia novos reprodutores domésticos de discos Blu-ray

Sony anunciou que durante a segunda metade do ano lanzará novos reprodutores de discos Blu-ray, os modelos BDP-S350 e o BDP-S550, sendo este último probablemente o primeiro dispositivo para a reprodución de contidos en discos Blu-ray que pode estar á altura da PlayStation 3 por soportar o Perfil 2.0 deste formato, ou sexa, que permite o acceso a contidos na Internet (BD-Live).
O BDP-S350 sería un modelo básico, baixo o Perfil 1.1, que se venderá a uns 400 dólares, mentres que o BDP-S550 xa soporta o Perfil 2.0 (inclúe 1 Gb de almacenamento local), o que garantiría o bo funcionamento das películas en Blu-ray que saian no futuro, oque terá un prezo de 500 dólares. De tódolos xeitos estas opcións aínda non parecen as máis recomendables por ter un prezo superior ó dunha PS3.