Spotify comeza a abrir a súa API

A plataforma de reprodución musical Spotify anunciou a liberación parcial da súa API, de xeito que os programadores alleos á compañía poderán escribir aplicacións que fagan uso do servizo, podendo crear novas e interesantes prestacións, aínda que o uso das aplicacións que fagan uso de libspotify (nome quere recibe o paquete publicado) estará restrinxido a usuarios de pago do servizo.
Polo momento Spotify só dará soporte desta nova funcionalidade para Linux, aínda que pretenden saltar a máis plataformas e dar outros niveis de acceso aos seus servizos no futuro, de xeito que este só sería un paso que podería permitir, por exemplo, a adaptación de Spotify a dispositivos móbiles, ou a outros usos que non se pensaran no momento da súa concepción.

Orixinal anuncio no que se explica o funcionamento de Spotify