Spotify estrea venda de cancións e versión en español

Spotify, a popular aplicación legal para a reprodución musical apoiándose na Internet e sen precisar do almacenamento dos temas no disco duro do usuario, estrea versión, a 0.3.12, que soluciona certos fallos detectados e incorpora dúas novidades moi importantes: a tradución da súa interface ao español e a incorporación da opción de compra de cancións.
Deste xeito, os usuarios poden premer sobre o tema que desexen e optar pola súa compra na web 7Digital (tenda de descargas dispoñible polo momento para Reino Unido, Francia e España) de xeito que as cancións adquiridas obtéñense en formato MP3 para poder reproducilas fóra da aplicación (ou en reprodutores multimedia portátiles).
A tradución ao español do programa chegou rápido porque esta aplicación está a ter moito éxito dentro das nosas fronteiras (España parece estar a ser o campo de probas de Spotify, pois dende aquí incluso é posible darse de alta no servizo sen invitación), e aínda que debería aparecer automaticamente, algúns usuarios (coma os que teñen o Windows en galego) deberán forzar a configuración do programa dende as súas preferencias para que a interface apareza en español.