Star Center presenta este xoves en Santiago os novos televisores LG OLED e Ultra HD 4K
martes, 4 de marzo do 2014
A
cadea galega de distribución de electrodomésticos Star
Center vai presentar este xoves 6 de marzo na súa sede Santiago
(Polígono de Costa Vella) os novos televisores LG OLED TV e LG Ultra
HD 4K. Segundo informa a empresa, a presentación destes aparellos
será un xeito de achegarnos dende a nosa terra á vangarda do
desenvolvemento en tecnoloxías para o fogar, ao tempo que se
confirma a aposta de Star Center por esta liña de innovación. A cita será arredor das 20.30 horas.
Como
lembraremos, as gamas OLED e
Ultra HD forman parte do
compromiso presente da marca LG por “iniciar unha nova era en
calidade de imaxe e deseño”. Os aparellos da primeira teñen
salientado non só pola paleta de cores achegada nas súas cores
senón tamén pola súa estética (a pantalla chega a ter apenas 4
milímetros de grosor). Polo que respecta ás pantallas Ultra HD 4K,
destacan entre outras cousas pola distribución dos seus LED, que se
sitúan por toda a pantalla e regulan a luz de xeito independente.
Lembrar
que Star Center é unha cadea de tendas de electrodomésticos e
aparellos tecnolóxicos pertencente ao grupo Cenor. A tenda en
Santiago é a máis nova da súa rede de distribución, unha rede da
que tamén forman parte Vigo, Pontevedra e Ponferrada. Un dos
obxectivos do proceso de espallamento que está a experimentar Star
Center é “ocupar o baleiro de mercado que recentemente
deixou o peche do Grupo Darty na nosa terra, confirmando o esforzo e
compromiso do grupo galego por expandirse e seguir consolidándose
como referencia”, sinalou a empresa con motivo da apertura do seu
establecemento no Polígono de Costa Vella.