Toshiba anuncia unha pantalla 3D sen lentes

Mentres os principais fabricantes de televisores comezan a vender os seus modelos 3D, Toshiba busca unha tecnoloxía alternativa para destacar, e así presenta un panel de 21 polgadas cunha resolución de 1.280 x 800 píxeles con tecnoloxía autoestereoscópica, ou sexa, que serviría para monitores 3D que non precisarían de lentes, para o que o seu ángulo de visión sería algo limitado (30 graos).
Esta nova pantalla poderá verse o vindeiro 25 de maio en Seattle (EE.UU.), aínda que polo momento non anuncian nin a súa data de lanzamento nin o seu prezo.