Un programa permite detectar mentiras a través de Skype

KishKish, a compañía que lanzara un contestador automático para Skype (KishKish SAM), agora impresiona coa incorporación dun analizador de estrés na voz, de xeito que permite saber se o noso interlocutor a través de Skype está a dicir a verdade.
O KishKish SAM VSA permite monitorizar as chamadas realizadas para comprobar o nivel de estrés da voz da persoa coa que se fala, de xeito que o programa marcará os momentos nos que se producen picos que poderían indicar que o interlocutor non está a dicir a verdade coma se dun polígrafo se tratase.
O novo contestador co detector de mentiras integrado custa 49,95 dólares ó ano, que se pode probar de balde.