Un xogo de IBM ensina cómo optimizar o funcionamento interno das empresas

IBM presentou un videoxogo tridimensional na que se sitúa a unha persoa de negocios nunha oficina virtual na que teñen que mellorar a eficiencia da empresa, de xeito que os usuarios poidan coñecer mellor cómo mellorar os procesos internos corporativos.
Innov8 serviría así para formar ó persoal das empresas (tanto a nivel directivo coma técnico) para unha mellor dirección dos procesos empresariais, empregando para iso unha ferramenta tan visual como pode ser un videoxogo cunha aparencia que podería lembrarnos a aplicacións coma Second Life. No xogo, o usuarios recibe unha serie de tarefas e debe atopar os elementos que as afectan para optimizar o seu tempo de realización, para o que hai que moverse por unha oficina virtual onde se fala con outros empregados para logo informar ós executivos.
A primeira versión do xogo estará dispoñible en setembro, e IBM procurará rematar versión en rede para que os usuarios poidan competir en liña.