Unha sesión por streaming informará das novas axudas para mellorar o ERP das empresas
luns, 28 de maio do 2018
O Centro Demostrador TIC (CDTIC) da AMTEGA organiza unha nova sesión en formato
#DemosXweb baixo o tÃtulo Aproveitando as
novas subvencións para mellorar o ERP da empresa, que se poderá seguir
exclusivamente por streaming de 9:30
a 10:15 horas o vindeiro mércores.
A sesión mostrará os beneficios dun ERP como sistema de
información clave que reúne a información principal da empresa e as
oportunidades que supoñen as subvencións do IGAPE, Deputacións e Cámaras de
Comercio para actualizar este software. Durante a retransmisión as persoas que
sigan a sesión poderán preguntar en directo as dúbidas que lles xurdan da exposición.
Alejandro Castro, de EsquÃo EnxeñerÃa, estará a cargo desta
actividade, dirixida a xerentes, responsables e persoal técnico de todas as
áreas e de calquera sector que desexen mellorar a produtividade das súas
empresas. Para participar nela cómpre inscribirse
na web do CDTIC ou a través da súa aplicación dispoñible para plataformas
Android e iOS.
As sesións demostradoras retransmitidas en exclusiva por streaming (#DemosXweb) son unha nova
modalidade para este ano e contan con múltiples vantaxes. Son sesións breves
que, ao seguirse por internet, evitan os desprazamentos. Ademais, quedan
gravadas na páxina web do CDTIC, polo que as persoas interesadas poden
visualizalas con posterioridade en calquera momento.
O CDTIC ten previstas máis sesións con este formato,
aproximadamente, unha ao mes, sobre o uso profesional de WhatsApp, a xestión
dun proxecto de construción con BIM, etc.