Unha web emprega a película do Señor dos Aneis para comparar DVD e HD DVD

Comparación da película O Señor dos Aneis en DVD e HD DVD

¿Paga a pena a alta definición? É a pregunta que fan moitos consumidores cando queren comprar un televisor novo e os confunden con termos como HD Ready ou FullHD, e despois lles comentan que o DVD evolucionará no HD DVD e no Blu-ray. Deixando a un lado as distintas opcións tecnolóxicas, o que está claro é que a alta definición da unha calidade de imaxe moi superior á estándar (outra cousa é que sexamos quen de distinguila se estamos lonxe do televisor) e para que a xente saia de dúbidas publicaron unha selección de imaxes da película do Señor dos Aneis para realizar a comparación de rigor, amosándose nun primeiro momento unha serie de imaxes tomadas do DVD pero que, ó pasar ó punteiro do rato sobre as mesmas convértense na versión do HD DVD (en versión reducida para que ocupen o mesmo espazo en pantalla) de xeito que se poden aprezar as diferenzas de calidade de xeito moi xeral.
O cambio de calidade é realmente abraiante, especialmente na pantalla dun ordenador (que normalmente ten máis definición que un televisor) e este exercicio demostrativo pode servir para animar ós consumidores a apostar polos novos formatos de imaxe.