Verónica Bolón desmitificará a intelixencia artificial no Pint of Science coruñés
venres, 19 de maio do 2023
O festival Pint
of Science chega un ano máis á cidade da Coruña, cunha ducia de relatorios repartidos
entre os días 22 e 24 de maio e entre dous bares (Árnica e La Olímpica),
entre os que temos que destacar o que impartirá a profesora da Facultade de
Informática da Coruña e investigadora do CITIC, Verónica Bolón Canedo, que terá
lugar o vindeiro luns ás 20:00 no Bar Árnica.
Baixo o título de Avances
e desafíos da intelixencia artificial, e por que aínda non debemos temer aos
robots! Explorará dende a orixe da intelixencia artificial nos anos 50
até as súas aplicacións máis modernas na actualidade. Tamén achegarase a algúns
desafíos éticos e sociais que chegan coa intelixencia artificial e como podemos
abordalos para maximizar os beneficios e minimizar os riscos e, en definitiva afondar
no ámbito da intelixencia artificial para perder o medo aos nosos amigos
robots.
- Carteis coas actividades de Pint of Science na Coruña