Vigo acollerá un par de charlas sobre optimización de servidores web baseados en PHP

O grupo PHPVigo organiza un novo Meetup mañá mesmo ás 20:00 en Kaleido Coworking Center (espazo de coworking accesible dende as rúas García Barbón e Rosalía de Castro) onde durante unha horas e cuarto afondarase en cuestións técnicas que grande interese para desenvolvedores e administradores de páxinas web que queren optimizar o seu rendemento e prepararse para soportar altas cargas de tráfico.
O encontro abrirá con Óscar Miguel, un dos responsables de Diariomotor e ¿Qué coche me compro?, quen achegará ás chaves para xestionar unha páxina web baseada en WordPress que teña máis de 200.000 páxinas vistas ao día; a quen seguirá Rubén González para explicar como mellorar o desempeño de páxinas web con Blackfire (explicará dende como instalar e usar o profiler PHP de Blackfire ata os mellores trucos para programar en PHP de xeito eficiente).