Vodafone non ten prevista a compra de R

António Coimbra, conselleiro delegado de Vodafone España

Tras o rebumbio creado polas declaracións de Rosalía Portela, conselleira delegada de Ono, dando a entender que Vodafone podería rematar adquirindo empresas de cable como R, temos agora é o seu homólogo en Vodafone o que atende aos medios, nunha entrevista para El País, na que defende a adquisición de Ono para poder consolidarse como unha alternativa a Telefónica na banda larga para poder ofrecer ofertas combinadas de fixo-móbil.
António Coimbra chega a desbotar que Vodafone vaia a adquirir R, Euskaltel ou Telecable, cando menos a curto prazo, pois actualmente están a despregar a súa propia rede de fibra óptica en Galicia, País Vasco e Asturias, centrando agora as súas actividades na integración con Ono, que podería comezar o vindeiro verán e que prolongaríase por un par de anos, antes dos que esperan poder comezar a ofrecer servizos conxuntos.
Coimbra tamén asegura que procurarán que o contrato que actualmente ten Ono para ofrecer os seus servizos de telefonía móbil virtual con Telefónica poida cancelarse o antes posible; o no que respecta á marca da empresa de cable, afirma que intentarán buscar acubillo á marca Ono baixo a marca Vodafone así como optimizar a súa presenza comercial (o que suporá cambios no máis dun cento de tendas que aportará Ono).