Windows Phone 8.1 estrea unha aplicación para a xestión do desvío de chamadas e a chamada en espera

Aínda que normalmente para a incorporación de novas opcións de configuración dun terminal móbil hai que agardar á actualización do sistema operativo, Windows Phone 8.1 está a estrear estes días a aplicación Call+, que en vez de presentarse como aplicación independente, engade unha nova opción de configuración nos smartphones co sistema operativo de Microsoft dende a que poder configurar a chamada en espera e desvío de chamadas, podendo personalizar os números de teléfono aos que se remitirá á persoa que nos chama segundo a situación (cando a liña está ocupada, cando non se responde á chamada ou cando o teléfono non está dispoñible ou está fóra de cobertura).
Esta nova opción de configuración incluso é compatible con smartphones con dúas tarxetas SIM, e parece ser unha proba para a segregación das opcións de chamada en espera e desvío de chamadas de Red+, aplicación que actualmente xa presentaba estas opcións.