WordPress Coruña amosará como crear de xeito sinxelo unha tenda en liña

mércores, 14 de xuño do 2023 Marcus Fernández

Este xoves as instalacións de WekCo na Avda. Novo Mesoiro da Coruña acollerá unha sesión do grupo de Meetup de WordPress da Coruña titulada Aprende a montar unha tenda online en 10 pasos, na que os asistentes poderán aprender a montar unha tenda en liña dun xeito rápido e eficiente.
Será encargado desta actividade formativa o deseñador web Anxo Sánchez, quen en 45 minutos amosará as ferramentas precisas para crear unha tenda en liña mínima viable, de xeito que os asistentes poderán logo replicar o proceso para desenvolver o seu negocio na Internet.

PUBLICIDADE