X Xornadas de Tecnoloxía para o docentes galegos

Os días 23 e 24 de abril celebraranse no IES Lamas de Abade de Santiago de Compostela a X Xornadas de Tecnoloxía de Galicia, destinadas ao profesorado de Tecnoloxía, que poderá inscribirse ata o vindeiro 15 de abril ás 20:00 horas.
O evento céntrase en obradoiros, estando tamén aberto á exposición de proxectos por parte dos distintos participantes, e solicitou a homologación das Xornadas á Consellería de Educación e Ordenación Universitaria por un total de 12 horas.
A actividade é de balde para os socios da Asociación do Profesorado de Tecnoloxía de Galicia (APETEGA), tendo que pagar os non socios 60 euros (cantidade superior á cota de alta na Asociación ou da cota de renovación anual, polo que supón un interesante incentivo para a afiliación á APETEGA).
O programa das Xornadas divídese en 2 días, comezando o venres 23 de abril coas seguintes actividades:
10:00 – Visita didáctica: Os tellados da Catedral
12:00 – Visita didáctica: Instalacións de Blu:sens (15 prazas) e da TVG (30 prazas)
14:15 – Xantar
16:00 – Comezo das Xornadas: Inscrición e entrega de material aos participantes
16:30 – Conferencia inaugural: Seguridade na Rede, de José Souto Calvelo
18:00 – Obradoiros (1ª quenda)
20:00 – Conferencia de José Negreira Chaves (Televés)
22:30 – Cea
O sábado 24 a programación quedaría do seguinte xeito:
10:00 – Obradoiros (2ª quenda)
12:00 – Obradoiros (3ª quenda)
13:30 – Asemblea de APETEGA
14:15 – Xantar
16:00 – Obradoiros (4ª quenda)
18:15 – Obradoiros (5ª quenda)
20:30 – Clausura das Xornadas