Xa é posible presentar series á 8ª edición do Carballo Interplay
xoves, 11 de febreiro do 2021
A oitava edición do Festival
de Contidos Dixitais Carballo Interplay, que se celebrará do 8 ao 11 de
setembro, abre a inscrición para que todas aquelas persoas que o desexen
presenten as súas series ou proxectos de serie á súa sección oficial, que
repartirá 6.600 euros en premios. A inscrición
está aberta vÃa web até o 15 de xuño e pode facerse totalmente de balde.
Para participar na Sección
Oficial a concurso, as series deben ser producidas entre os anos 2017 e
2020 e ter un mÃnimo de 3 capÃtulos emitidos no momento de inscrición, pero
poden ser de calquera duración, temática, xénero, de imaxe real ou de
animación, nacionais ou internacionais. Entre as propostas recibidas, un xurado
composto por profesionais do sector audiovisual e da cultura premiará a mellor
serie estatal, a mellor serie internacional e a mellor serie en versión
orixinal en galego con 800 euros e trofeo, para cada categorÃa. As escollas do
xurado novo e máis do público levarán 400 euros e trofeo, cada unha.
Finalmente, entregaranse cadanseu trofeo á mellor actriz e ao mellor actor.
O Carballo Interplay conserva ademais, na súa oitava
edición, a dotación económica de 3.000 euros para o premio a proxecto de
webserie en galego. A data lÃmite para presentarse é o 31 de xullo de 2021
e os proxectos deben ser creacións audiovisuais propias e orixinais, pensadas
para seren publicadas e difundidas a través de internet e mediante capÃtulos,
episodios ou partes (como mÃnimo tres), pero poden ser de imaxe real,
animación, stop motion ou técnica combinada.