Xa está aberta a inscrición para o terceiro NOS Day
luns, 10 de abril do 2017
A
comunidade de emprendedores Startup Galicia, na súa procura dun ecosistema que
fomente o desenvolvemento empresarial en Galicia a través da colaboración
e a transmisión de coñecemento organiza
a terceira edición do Northwest Startup Day (NOS Day),
foro que terá lugar o sábado 17 de xuño no Teatro Principal de Santiago de
Compostela nunha completa sesión de tarde que botará a andar ás 16:00 horas.
O programa deste encontro é bastante completo, comezando cun relatorio de Carina Szpilka, fundadora
de KFund, fondo de venture capital
que inviste nas fases iniciais de startups
tecnolóxicas; seguiralle David
Bonilla, director xeral de Comalatech, compañÃa de software canadiana que
principalmente desenvolve engadidos para produtos de Atlassian (Bonilla tamén
fundou Otogami); e completará a primeira quenda de charlas Angélica Lozano, directora técnica
de mLean, unha startup con base en
Valladolid que acompaña a fabricantes e provedores do sector da automoción no
seu camiño cara á Industria 4.0.
A partires das 19:00 horas están confirmadas as participacións de Eloi Gómez, director xeral de
MrJeff, empresa tecnolóxica que desenvolve servizos de tintoreirÃa e
lavandarÃa; e Alejandro MarÃn,
fundador de ForoCoches. A estes convidados incorporarase algún máis nas
vindeiras semanas.
Este foro organizado por Startup Galicia conta coa colaboración da Universidade
de Santiago de Compostela e o patrocinio do Concello de Santiago e de Elogia. Os
interesados en acudir pode xa adquirir o seu
billete en liña, que custará 30 euros para os que se inscriban antes do 8
de maio e 50 euros ao que merquen o billete con posterioridade.