Xa se pode descargar a versión de proba de Second Life Mobile

Vollee está a traballar no desenvolvemento dunha versión de Second Life para o teléfono móbil, e os usuarios de certos terminais de HTC, LG, Motorola, Nokia, Pantech, Samsung, Sanyo e Sony-Ericsson poden xa descargar a versión de proba do mesmo, que sorprende por unha boa calidade de imaxe acadada grazas ao uso de streaming 3G ou Wi-Fi.
A aplicación Java de Second Life Mobile funciona é de balde, permite coñecer cando os nosos amigos están en liña, deixa visitar calquera lugar de Second Life e funciona en máis de 40 terminais.
A versión móbil de Second Life non precisa que o terminal telefónico sexa capaz de mover complexos gráficos 3D (tal tarefa a procesa o servidor remoto) e a experiencia de uso é bastante semellante á do uso no PC, pero limitándose ao pequeno tamaño da pantalla dos móbiles e a unha interface de texto moito máis limitada, pero que achega a mobilidade coma principal vantaxe.