A Cidade da Cultura acolle unha xornada demostradora de SuSE para empresas
luns, 25 de marzo do 2019
Este
martes 26 de marzo a Cidade da Cultura vai acoller unha cita de
importancia práctica e divulgadora sobre informática libre e
transformación tecnolóxica. Estamos
a falar dunha xornada demostradora sobre as solucións que SuSE,
a máis histórica empresa actual de cantas se adican a Linux e ao
código aberto, pon en xogo para infraestruturas empresariais. A cita
vén da man da AGASOL e o Cluster TIC Galicia.
Porase
o foco nas solucións de xestión de SuSE (de gran interese para
introducir axilidade e fiabilidade no día a día dunha empresa) e na
súa Plataforma CaaS, unha distribución de Kubernetes certificada
pola Cloud Native Computing Foundation (CNCF) e orientada a permitir
a xestión de colectores e implantar, xestionar e ampliar con máis
facilidade aplicacións e servizos baseados nos mesmos.
Segundo
informa AGASOL e o Clúster TIC, achegaranse claves para “afrontar
o reto da transformación dixital das empresas dunha forma áxil e de
doada xestión, reducindo gastos e dependencias de provedores, cunha
solución de almacenamento intelixente e de software aberto”.