A Nintendo 3DS e a Wii U quedarán sen xogo en liña

Nintendo vén de anunciar o cesamento dos servizos en liña para programas de Nintendo 3DS e Wii U, ou sexa, que os usuarios que aínda gocen dunha destas consolas de videoxogos a partir de primeiros de abril de 2024 non poderán gozar do xogo en liña e doutras funcións que precisen dunha conexión á Internet para funcionar, como o xogo cooperativo en liña, as clasificacións na Internet e a distribución de datos.
As funcións dos xogos que non precisan de conexión á Rede continuarán a funcionar como até o momento, aínda que cómpre salientar que o Banco de Pokémon e o Poké Trasladador serán servizos en liña que manteranse activos, estando aínda por definir cando será o seu adeus.
O peche dos servizos en liña non afectará á descarga de xogos adquiridos con anterioridades nin á súas actualizacións, ou sexa, que a Nintendo eShop seguirá estando accesible.
Esta operación por parte de Nintendo non debería de resultar traumática, xa que as consolas afectadas xa son bastante vellas e apenas tiñas títulos que explotasen o xogo en liña, polo que a actividade actual das súas plataformas na Rede era totalmente anecdótica, de aí que se procesa ao peche de servidores que non compensa manter activos.