Ábrese o prazo de matrícula para o Máster de Software Libre 2012/2013 de Igalia
mércores, 11 de xullo do 2012
O Máster en Desenvolvemento e Xestión de Proxectos de
Software Libre organizado por Igalia e o grupo GSyC/LibreSoft da Universidade
Rey Juan Carlos chegará este ano á súa VI edición, estando
xa aberto o seu prazo ordinario de matrícula ata o 31 de xullo, o que
permitirá obter un desconto do 10% sobre o prezo final.
Este Máster impartido en dúas sedes (Vigo e A Coruña) é un título propio da Universidade
Rei Juan Carlos e está organizado ao redor dun ecosistema baseado nos
estudantes e orientado á participación en comunidade, cunha grande dedicación á
práctica e seguindo a filosofía de aprender
facendo. As súas actividades presenciais concéntranse en venres pola tarde
e sábados pola mañá para facelo compatible co horario laboral e tamén inclúe un
programa de prácticas en empresa que supón unha boa oportunidade para os
alumnos que estean a procurar emprego.
As xornadas do Máster comezarán no mes de novembro, e para coñecer máis
detalles sobre a súa filosofía, metodoloxía, formato e contidos podemos ver un
vídeo no que o coordinador da área Web de Igalia, Xavier Castaño, explica os
detalles desta titulación que busca formar a profesionais especializados en
Software Libre:
