Ballmer asegura que a Microsoft xa non lle interesa mercar Yahoo!
venres, 7 de novembro do 2008
O
máximo responsable de Microsoft, Steve Ballmer, comentou hoxe mesmo que a súa
compañía non está
interesada en facer unha nova oferta por Yahoo!, empresa pola que xa fixera
2 ofertas de compra que chegaran ata o pago de 33 dólares por acción, pese a
que neste momento as participacións na empresa están a apenas 13,85 dólares.
Dende Yahoo! veñen de ver cómo Google rachou o seu acordo publicitario con eles,
de aí que non sorprenda que Jerry Yang estea a facer declaracións a favor da
venda a Microsoft, cando hai uns meses era o principal detractor desta
operación.
Ballmer insiste en que xa fixeron a súa oferta no momento axeitado, e que agora
xa deixaron esa situación atrás, de xeito que igual poderían colaborar con
Yahoo! na súa explotación publicitaria, pero non consideran interesante a venda
do buscador (o que podería ser unha pose
para presionar de cara a unha potencial negociación entre as dúas compañías).