COFER, IGAPE e GAIN mostran ás empresas de Ferrolterra como subirse ao carro da Industria 4.0
luns, 22 de febreiro do 2021
COFER
(Confederación de Empresarios de
Ferrolterra, Eume e Ortegal) organiza esta semana, en
colaboración co IGAPE, a terceira edición da súa xornada sobre
Tecnoloxías Facilitadoras da Industria 4.0.
Desenvolverase
(co fin de garantir a seguridade sanitaria) en liña a través da
ferramenta Zoom. Será este mércores 24 de febreiro ás 12.30 horas.
A actividade contará coa presenza de Fernando Guldrís, director
xeral do IGAPE, que será o encargado de abrir a xornada.
A
continuación será a quenda de Pablo López, de Implicatum, que
introducirá aos presentes nas principais características (e
vantaxe) do contexto da Industria 4.0.
Un
pouco máis tarde intervirán María Jesús Rodríguez e Regino
Varela, técnicos do CIS Tecnoloxía e Deseño (Axencia Galega de
Innovación) que achegarán un relatorio sobre tecnoloxías 4.0 na
industria dixital, poñendo o foco en temáticas como a Realidade
Virtual e Aumentada e o control dimensional.
A
xornada proseguirá coa presentación das axudas transformadoras da
Axencia Galega de Innovación (GAIN), a cargo de Elena Polo, técnica
da Área de Servizos de GAIN.
Rematará
cun acto de clausura da man de Cristóbal Dobarro, presidente de
COFER.