Caixanova iniciará un Máster sobre Software Libre

Caixanova porá en marcha un Máster sobre Software Libre na cidade de A Coruña, nunha iniciativa pioneira en Galicia que contará coa achega académica da Universidade Rey Juan Carlos e a visión empresarial da empresa galega Igalia.
O Máster terá unha orientación práctica e profesional, dirixido a novos titulados ou a profesionais que queiran complementar a súa formación co obxectivo de dirixir, analizar e participar en proxectos de Software Libre de ámbito internacional, capacitando ós alumnos para o traballo en grandes empresas do sector TIC, así como para liderar proxectos de liberación, desenvolvemento e publicación de Software Libre.
A inscrición a este Máster que ten como duración un curso académico (impartíndose polas tardes de luns a xoves) rematará no prazo ordinario o 6 de xullo, mentres que o 28 de setembro será a límite de presentacións de solicitudes de inscrición no prazo extraordinario, podéndose achegar os documentos para os trámites da web do Centro Social Caixanova.