Confirman que os responsables de Mindoniense.com non son responsables dos comentarios no seu foro
mércores, 15 de xullo do 2009
A Audiencia Provincial de
Lugo confirmou a sentenza en
primeira instancia que absolveu aos administradores da web mindoniense.com
despois de que un ex alcalde de Mondoñedo (con iniciais L.R.V.) os quixese
responsabilizar de opinións crÃticas contra a súa persoa vertidas nos foros da
mencionada web en febreiro de 2007 (nas que se acusaba ao edil de facerse cunha
casa a cambio de favores polÃticos, o que demostrouse non ser certo presentando
as correspondentes facturas). A demanda foi desestimada a finais do ano pasado,
decisión recorrida polo demandante, o que non cambiou a resolución.
A
sentenza recoñece aos acusados coma prestadores
de servizo, polo que non os responsabiliza dos comentarios dos seus
usuarios, o que resulta un tanto rechamante por existir sentenzas
xudiciais xusto no sentido contrario, aÃnda que cómpre destacar que aÃnda non
existe xurisprudencia sobre este tema, por non terse manifestado o Tribunal
Supremo sobre esta posible interpretación da LSSI-CE (que librarÃa aos
administradores de foros, blogs, wikis e outras plataformas de publicación da
responsabilidade dos contidos publicados por terceiros).
Tamén resulta curioso que a
Audiencia considere que non é posible facer unha analoxÃa entre a
responsabilidade dun editor de prensa e o editor dun foro, aÃnda que casos
coma o de Alasbarricadas.org fosen nesa dirección, por considerarse que moderar un foro
efectivamente precisarÃa de persoal controlando as 24 horas o que se publica no
mesmo (o que non parece razoable).
Ante as dúbidas sobre o fondo do recurso de apelación, a Sala estimou que non
se fará unha imposición de costas a ningunha de ambas instancias, polo que
entendemos que hai que tomar esta decisión xudicial coa debida prudencia.