En marzo os Amigus Labs únense á celebración mundial do Arduino Day
luns, 25 de febreiro do 2019
O 16
de marzo vaise celebrar a nivel internacional o Arduino
Day, un evento de 24 horas organizado pola comunidade dos
fundadores do hardware libre que xunta persoas de todo o mundo para
compartiren as súas experiencias e aprender máis sobre esta
plataforma de código aberto. Entre as asociacións que galegas que
se veñen de sumar á celebración atópanse Makers Lugo (na cidade
da Muralla) e máis a Asociación Amigus (nas
Pontes). Esta última comunidade, de feito, fará coincidir o
aniversario de Arduino co desenvolvemento dunha nova edición dos
seus Amigus Labs, os
obradoiros argalleiros que convocan regularmente os integrantes da
Asociación Amigus en
colaboración con Merca nas
Pontes.
Será
unha nova cita para enchouparnos en cousas de interese tecnolóxico
pero tamén social, cultural e mobilizador, como o espírito Maker,
a robótica, o
software e o hardware libres, a arte, a creación dixital e a
formación. Porén, desta volta farase fincapé nas posibilidades e
potencialidades de Arduino.
A
nova cita dos laboratorios participativos de Amigus, desenvolverase
como de costume no Lar da devandita vila coruñesa. Segundo informa a
asociación, o Arduino Day está aberto para calquera usuaria ou
usuario que queira celebrar a plataforma libre e “todas as cousas
incríbeis que se fixeron (ou se poden facer!) con esta tecnoloxía
aberta”.
O
programa será o seguinte:
·
10:30 – 14:00 h. e de 16:00 a 20:00: Amigus Labs - Arduino Day
2019, con exhibición de proxectos con Arduino. Convócase a todas as
persoas afeccionadas que constrúen proxectos con Arduino a
participar neste evento. Os proxectos deben presentarse rematados ou
en funcionamento o día do evento. A temática das propostas é
libre. Débese empregar, preferentemente, Arduino; con todo, poden
presentarse proxectos baseados en tecnoloxías como ESPxxx, Raspberry
Pi, etc.
As
persoas interesadas deben enviar a amigus@amiguslabs.org un correo
cunha explicación do proxecto para presentar e unha imaxe ou
fotografía do mesmo antes do día 14 de marzo.
·
11:30 a 14:00 h.: Amigus Labs Kids - Obradoiro de iniciación a
Arduino. Quen estea interesado en ter un primeiro contacto con
Arduino pode apuntarse a este obradoiro. Na sesión mostraranse
diferentes compoñentes e como se conectan e programan con Arduino.
·
16:00 a 20:00h. : Amigus Labs. Adicarase a tarde a elaborar os
proxectos do Fab Lab, así como a traballar coa xente interesada en
continuar facendo proxectos con Arduino. Os mais pequenos poderán
construír robots baseados na placa libre.
Tódalas
actividades realizaranse de 10:30 a 20:00, facendo unha parada para
comer de 14:00 a 16:00. As persoas interesadas en asistir aos
obradoiros deben enviar un correo a amigus@amiguslabs.org
Estas
son as entidades colaboradoras: Concello das Pontes • COHEMPO •
ENDESA • EuroEume • Nauta • No Ping • Nodo Dixital • Triade
• Severiano Agrocomercial • Escourido Asociados • Clip Carbono
• Ferretería Marcos • Lujo • Matojoma • You can school of
English • Fitter • Pontesa Marmoles y granitos • Desguaces
Vilabella • Óptica Carmela • Galiorient • Servicio Móvil •
Areco • Panadería San José • Fotografía Fabian • Don Dino •
CONPLC • IcoEume • Preludio Musical • Arprosa • Radio Eter