Este xoves SuSE fai parada en Santiago para amosar as súas máis recentes tecnoloxías
mércores, 15 de marzo do 2017
Os SuSE
Expert Days, o programa internacional e itinerante de xornadas
arredor do sistema operativo SuSE, chega este xoves 16 a Santiago.
Trátase dun percorrido argallado pola dita empresa internacional
para axudar a PEME de todo o mundo (América, Europa -incluída
Rusia- e África) a afrontar nas mellores condicións posíbeis os
retos da transformación dixital e a Industria 4.0, coa axuda das
ferramentas libres da contorna SuSE. Máis en detalle, as empresas
participantes coñecerán as máis recentes propostas open source
da compañía para servidores, computación na nube e tecnoloxía
Docker (sistemas para virtualizar un contorno Linux con todas
aplicacións que precisemos e con opcións de ser despregado ao
momento en calquera outro Linux). O evento vén da man de AGASOL
e do CPEIG, e
celébrase no auditorio 1 do edificio CINC da Cidade da Cultura.
Amais do devandito, a cita será, en palabras de
AGASOL, “unha boa oportunidade para ver as máis punteiras
tecnoloxías actuais de SuSE, a firma máis veterana adicada a Linux
e ao código aberto”. Tecnoloxías como por exemplo SuSE Linux
Enterprise Sever, SuSE Manager, SuSE OpenStack Cloud e SuSE
Enterprise Storage.
Lembrar que as persoas inscritas no evento deste
xoves terán a oportunidade de entrar no sorteo dunha Raspberry Pi 3
B co sistema operativo Suse Linux Enterprise Server for ARM.
SuSE Expert Days
Son eventos dun día de duración con charlas
técnicas e demostracións dos produtos da compañía, que fornecen
aos profesionais ferramentas que lles poden ser útiles para
desenvolverse no seu día a día nos seus centros de procesamento de
datos.
Programa
· 9:00 - 09:30
Café de benvida
· 09:30 - 09:45
Presentación dos Suse Expert Days
· 09:45 - 10:00
Colexio Profesional de Enxeñaría en Informática de Galicia
· 10:00 - 10:30
O ecosistema de software libre en Galicia (AGASOL)
· 10:30 - 11:30
Transformación dixital. Suse: Estratexia e futuro
· 11:30 - 11:45
Café
· 11:45 - 12:20
Cara ao novo centro de datos: OpenStack, CloudFoundry, Ceph e
Colectores
· 12:20 - 12:50
Transformación dixital: Sistemas de Misión Crítica: SAP,
ZeroDowntime e HA con demostracións de LivePatching, full system
rollback e MS SQLServer en HA
· 12:50 - 13:40
DevOps: Arquitectura, estratexia e modelo. Developer tools, SLES
for Raspberry Pi e Containers as a Service Platform:
MicroOS+Docker+Kubernetes
· 13:40 - 14:20
Suse OpenStack Cloud. Integración de OpenStack con Kubernetes e
Docker, HA e non-disruptive update con demostración.
· 14:20 - 14:30
Preguntas
· 14:30 - 15:30
Xantar