Estréase o Android SDK cun concurso de aplicacións para móbiles

Google xa estreou o kit de desenvolvemento de software para a plataforma Android, que quere entrar con forza nos terminais de telefonía móbil e que xa conta con versión para Windows, Mac OS X e Linux, e mesmo conta cun engadido para o contorno de desenvolvemento Eclipse. O SDK de Android xa se pode descargar, e para fomentalo crean o concurso Android Developer Challenge, no que se repartirán 10 millóns de dólares para as aplicacións creadas con esta plataforma.

O reto desenvolverase por fases, de xeito que os 50 mellores proxectos recibirán 25.000 dólares para que continúe a súa creación, recibindo logo os 10 mellores 275.000 dólares cada un e os 10 seguintes 100.000 dólares cada un.
O futuro sistema operativo para móbiles achegará soporte de pantallas táctiles, conectividade 3G, mensaxería de texto ordeada por fíos, ficheiros multimedia en formatos MPEG-4, H.264, MP3 e AAC, aceleración gráfica en 3D, optimización Java e un navegador baseado en Webkit.