Google Docs mellora o seu soporte de ficheiros
venres, 18 de febreiro do 2011
- Os novos tipos de ficheiro poden abrirse agora directamente dende Gmail
O visor de
documentos de Google Docs, utilizado por millóns de persoas ao días para
visualizar documentos PDF, de Word ou presentacións de PowerPoint na web
permite consultar ficheiros sen ter que instalar aplicacións adicionais e
evitando que teñamos que descargar os documentos ao noso equipo, o que resulta
especialmente útil para cando os recibimos a través do correo electrónico de
Google, e que agora gaña atractivo ao incorporar
12 novos tipos de ficheiros coma os .SVG, .EPS, .PS, .TTF e .XPS ou de
aplicacións como Microsoft Excel (.XLS e .XLSX), Microsoft PowerPoint 2007/2010
(.PPTX), Pages (.PAGES), Adobe Illustrator (.AI), Photoshop (.PSD) e AutoCad
(.DXF).
Cando agora recibamos un documento deste tipo en Gmail poderemos velo
directamente, abrilo en Google Docs ou descargalo, mellorando a accesibilidade
dos ficheiros en cuestión a través da web.
- Os documentos de Microsoft Excel son dos que se incorporan ao soporte de Google Docs
